بداية قولنا يهل الوفا بسم الله الرحمن=بعد ذكرة نبي ناخذ ونعطي بالكلام الزين
سلام الله سلاماً يدرك الغايات فالميدان=ونزهم من يدورها من الشعار والصفين

بدايه ربعي اعتيبه وخالي من بني قحطان=ونمشي من على نهج الشريعه والوفاء والدين
الا يا مرحبا ترحيب ثقله يرجح الميزان=تحصلها ولو نقراء عليك الزلزله والتين

نعم في خالك وعمك واقوله بالفم المليان=وحنا يالشنب مثلك على درب الوفاء ماشين
يدوم ابك البقا والطيبة تدفع لها الاثمان=ولاكن من يدورها يحصلها على الخدين

تقوله بالفم المليان في وجهك على الحجان=علامك تاخذ ايسار العلوم اولا تروح ايمين
انا في ماقفي ثابت وانا شاعر فصيح السان=ولامنا خلصنا منك تقفي يا غراب البين

توقع لاتجيب المشكلة ياطير ابن برمان=وانا اشوفك تخفق بالجناح ومخطي الدربين
تقوله وانت لاثابت ولا فاضي ولا مليان=وحاول تنهي المشوار لاتلعب على الحبلين

المشاركة الأصلية كتبت بواسطة الكاايد (المشاركة 992407) صحت السنتكم وانت يانداوي اعتبرني واحد من جمهورك دائماً وابداً

المشاركة الأصلية كتبت بواسطة ولد سجوان (المشاركة 992409) صح لسانك يالنداوي وصح لسانك يابوشنب وبيض الله وجيهكم اسعتمونا