خابت ظنوني فيك ياللي فيك خيبت الظنـون = أنا حسبنك كـل ماجيتـك محبـه جيتلـي
أثرك ماهمك غلا قلبـي ودمعـات العيـون = أنت أتغلا يالغلا وأنا مـن الشـوق أغَلِـي
حتى لونك ياهوى بالي على قلبـي تمـون = اللي حصلي منك ياعـذب اللمـا مايعقلـي
أن كان كل اللي حصلي من سبب حبك يهون = أستاذنك لوجزتلي طبعـك هذا ماجازلـي
دور وتلقى في حراج الكذب لحساسك زبون = لا كن أنا اللي مستعد أفديك حتى في هلـي
ياكثر ماظحيـت لجلـك والدليـل التلفـون =أشغلت خطه بتصالي وأنت خطـك مُقفلـي
أنا سقيتك نبض قلبي وأنت يالغظ الفتـون =أسقيتني سمك وأنا مسقيك سمني وعسلـي
الله يلعن ساعة العشـاق والقلـب الحنـون =الحب جرَح خافقي وأثـر علـى مُستقبلـي
والناس تحت أسم المحبه يكذبون ويلعبـون =الكل منهم خانـة الأسمـاء ماليهـا ملـي
صارت حكايات الغرام الصدقات أسبيستـون =اللي مع أهل الشافعي ينقز على أهل الحمبلي
مانيب ناسٍ عهدك الأول معي مهما يكون = تبي الصراحه أرعلي سمعك وتسمع مايلي
أن قلت أحبك جعلهـم يرظـون ولا يزعلـون = لا يابعـد كـل البنـات المترفـات النحلـي

المشاركة الأصلية كتبت بواسطة سيف ال راشد (المشاركة 992164) الله يلعن ساعة العشـاق والقلـب الحنـون الحب جرَح خافقي وأثـر علـى مُستقبلـي تسلم يمينك على النص الجميل وصح الله لسانك

المشاركة الأصلية كتبت بواسطة محمد عويض الثبيتي (المشاركة 992265) صح لسانك وأبيض وجه تقبل مروري

المشاركة الأصلية كتبت بواسطة سالم البرقاوي (المشاركة 992284) صح لسانك شاعرنا