الهجوس اللي تبي بدع المثايل = لجل قدرك لازم امشي في هواها
قمت اولع فالشموع وفالفتايل =ودي ارفع لجل قدرك مستواها
مرحبابك يافخرنا فالقبايل =القبيله وانت مقودها تباها
انت رجال الصعيبه والصمايل =انت زيزوم القبيله ياذراها
الفرح ياميرنا ماله بدايل= في بقاكم مانبا افراح سواها
ياعسى عمرك مع الامجاد طايل = انت بدر للقبيله في سماها
نفتخر بسلالتك بين السلايل =بين سيف وريف ضيف وعز جاها
شيخ والشيخه من اجدود الاوايل = البيوت ادوم من عزة ابناها
فيك من يمدح يبي يلقا دلايل = الفعول اللي شهد غيره علاها
انت تلطم دون ربعك كل عايل = تعتزيبك وانت عينك من وراها
دعوة نرضيبها عيال الحمايل = ياعساك ادوم في عز ورفاها
لايصيبك شر جعل الشر زايل = نبغي الك الخير والصحه نباها
ولطلال النعم في كل الوسايل = صاحب الفزعات محمود علاها
كاسب الناموس بالميزان مايل = يوفي المكيال والعليا رقاها
من رجال الاوله واف الخصايل = هامته تعلو ولا يلحق مداها
بالكرم هو حاتم الطائي بحايل = هو به الهقوات تاصال منتهاها
بالقصيده ودي ارد الجمايل = لو فعول شيوخنا ملحق جزاها
والصلاة اعداد همال المخايل = لرسول لمته هديه هداها