قال الذي لا قال يخشى من العوج=ينقى الجزآل ويحتزم كل مدباج
يصفها علماً من العرف منتوج=يسجها بالناس من طب وعلاج
يطرب بها لامن علا كل دفلوج=نوباً يدفلجها ونوباً بهملاج
يقطع بها دواً عن الناس ويروج=وينوّح الصوت المعنى ليا راج
رجله على قطع الفيافي لها نوج=ويمناه مدت وأحتمت كل دملاج
أتعب شديد الوقت موجاً ورى موج=أما قوى وإلا أردف الصبر وإنهاج
عاش الزمان اللي طفر نهش وادبوج=وقتاً يعدله قول .. والوقت منعاج
تقفي به الدنيا على كل مدروج=توسع ونوب تضيق من دون مخراج
قلبه رجف وأرهب محانيهن العوج=وعينه لها عن لذة النوم هجاج
من حر وقتاً مغمداً برق عمهوج=قامت ثعاليبه تنحر هل التاج
فيه الردي من ملكة المال متيوج=وقاموا يحسبونه على كل منهاج
وغدو به اللي تحتمي كل دملوج=أهل الكرم والطيب والفعل عمهاج
اللي لهم في قمة العاليه سوج=ذيابةً .. قامت تخطفها الأنعاج
اليوم روح وأختلف كل منهوج=عشنا الرتج وارعوجها وسط الأرفاج
عيناً تشوف بوقتها الطيب مسروج=وعيناً تفتح في متاهات وإلجاج
وعيناً تصيد وصيدها كل مرموج=وأخرى تهدّ وتهتوي كل رتآج
وقتاً يعوج الضيم في دفتره عوج=والحق ضام وداخله باطله داج
الليل يمسي بك على كل مرعوج=يقضي نهاره ما كسب منه الأرباج
اما فلجك وقالوا الناس مفلوج=وإلا فلجته وإنسحب كل مزلاج
قلته وانا راجح وجبته على أوج=وأسند بعجز البيت في قافها آج

صح لسانك ياراجح روعه

تقبل تحياتي

المشاركة الأصلية كتبت بواسطة سيف الجعدة (المشاركة 991261) لاهنت ياراجح المطيري وصح لسانك

لآ هان شانك ياكحيلان ..
صح بدنك طال عمرك ..
تشرفت بمرورك
دمت بخير

المشاركة الأصلية كتبت بواسطة أسير القوافي (المشاركة 991372) صح لسانك .. أستاذ : راجح المطيري :) .. قال الذي لا قال يخشى من العوج ينقى الجزآل ويحتزم كل مدباج وأشهد إنَك ماجبت العوجه .. ولا هيب فيك وفي ربعك :) .. لاهنت .. أعجبني آخر بيته وطريقة صياغته .. قلته وانا راجح وجبته على أوج وأسند بعجز البيت في قافها آج شـاعر مميَز .. ونطرب لما تلقيه لنـا .. ،، [ أسمى التحايا ] ،،

أسير القوافي ..
مرورك بحد ذاته نجاح للقصيدة
صح بدنك طال عمرك ..
مرورك /
شهادة اعتز بها
ألف شكر لشخصك الكريم
دمت بخير

المشاركة الأصلية كتبت بواسطة أبونواف (المشاركة 991402) صح لسانك ياراجح المطير ي وسلمت يمينك ..

أبو نواف ..
ياهلا ومرحبا ..
صح بدنك ياكحيلان ..
وعسى يسلم راسك
طال عمرك ..
ألف شكر لمرورك
دمت بخير

المشاركة الأصلية كتبت بواسطة عبدالرحمن العقيلي (المشاركة 991412) صح لسانك ياراجح روعه تقبل تحياتي

ياهلا وغلا ..
ألف صح بدنك .. طال عمرك ..
تشرفت هنا ياكحيلان ..
دمت بحمى الرحمن
... }