الفزعات
 

السلام عليكم ورحمة الله وبركاته


اخواني مشرفين واعضاء وزوار منتدى الهيلا اضع بين انظاركم هذه المشاركه واتمنى ان تنال على اعجابكم ::::

راكب اللي يطوي البعد ويشوق النديب = منوة اللي كل ماجاء بيقرب بعدوه

جيب لكزس بالفخامه تحدا كل جيب = اشكر اللي صنعه واشكر اللي وردوه

اخر طراز الموديلات من نوعه غريب = فل كامل يختلف عن اخوانه ميزوه

مركب الوافين عز الطلب مافيه عيب = مالقو فيه العذاريب ناسٍ جربوه

سايقه محسوب خبره ولا ودا يجيب = كم سرى ليلٍ عبوسٍ وغيره ماسروه

مرسلينه بالمكاتيب والعلم القطيب = يم ابن هذال عز المناصي لانصوه

راعي الفزعات والطيب لبعيد وقريب = طيبٍ لادوروه النشامى حصلوه

ياخلف يامسندي لاعوى ذيبٍ لذيب = يامعلي سمعة الطيب لامنهم نخوه

المراجل حاضره عند مثلك ماتغيب = ياسند من حده الوقت واصحابه نسوه

الليالي ياخلف قطرة بالعين شيب = والرصيد اللي جمعته على الدنيا كلوه

مابقى الا فزعة الله ايلاه مستجيب = ثم فزعة كل طيب مع اللي كلفوه

ادرك الاسباب والله كتاب النصيب = سق معي وجهك وجاهك على اللي قدروه

والسلام ختام ياطيبٍ من ساس طيب = شاعرٍ قد القصايد وقد اللي نصوه


وسلامتكم..................................


اخوكم 0 بطي الاكلبي

ابو الوافي .... كاسب المعالي ......:):)

..

.
الاخ بطي الاكلبي
لاهنت ومشكور على موضوعك الجميل
من خلال هذه القصيده المميزه ..
السؤال .. هل هذه القصيده من نظمك؟ ام من منقولكــ ؟

يعطيك الف عافية قصيدة رايعة