يالله ياللي بعد رحمتك يشفى الضرير = ياواحدن رحمته وارضاه نعتازها
تحفظ مليكن سطع مثل السراج المنير = قمة جبل لويهب العج ماهازها
واتزيد دار السعد والخير خيرن كثير = المملكه دولتن ماخاب معتازها
واتعز ابوخالد القايد واخوه الوزير = والدار ماعزها الا هيبة اعزازها
وانا احمد الله عدد طيرن نشوفه يطير = على سلامة ذرى الدوله ومركازها
سلطان ابو خالد اللي له مقامن كبير = قرمن وقف للمراجل غصب واحتازها
عم الفرح مملكتنا واصبحت بالف خير = جر اللحن نجدها وايغطرف احجازها
يزهى جنوب وشمال الدار ورد وعبير = واتقول فوقه مزونن هل جهازها
بان السعد وابتسم شايب وطفلن صغير = له صورتن بروزت في وسط بروازها
من مدته يشبع اللي طول عمره فقير = لو لز نفسه على العازات لزازها
عدن عليه العرب مابين ورد وصدير = منه البيوت اغتنت والجوع مجتازها
عبر المحطات ننشرها وعبر الأثير = خيريته في وطنا ناجح انجازها
عزالله انه على حال المواطن بصير = له معجزاتن تهول القلب باعجازها
لاكن ماقول غير الله يعز الامير = شخصيته بارزه واينومس ابرازها