من وجيه الناس نفهم كثير بلا كلام=الوجيه الها تعابير تقرا كالكتب
من تصفحها بعقل رزين وباهتمام=يتعجب مما يقرا ولله العجب
مثل مانعرف مغط الحزن بالابتسام=نعرف مخف السعاده ويبدو مكتئب
ومثل مانعرف وجيه الرغد والانتعام=مثلها نعرف شحوب الوجه فاهل التعب
وكم قرينا فالوجيه المحبه والغرام=العيون الها لغة والحواجب والهدب
ومثلها نقرا الوقاحه على وجيه اللئام=كم يفسر وجه حاقد لقلب ملتهب
وكم تصفحنا المكارم على وجيه الكرام=مثل ماشفنا سواد الوجه فاهل الكذب
وكم نظرنا في وجيه ومنحناها احترام=لوما يربطنا مصالح بها ولانسب
ومثلها نقرا وجيه ونقول الها سلام=والسبب ياصاحبي لاتسال عن السبب

المشاركة الأصلية كتبت بواسطة أسير القوافي (المشاركة 988164) الله الله الله :) صح لسـانك .. أستاذي : شعيل الزلامي .. أبيـات في قمة الجمـال والحكمة الرائعه .. لاهنت لا عدمنـاك ولا عدمنا هذه الدرر .. بالفعل أنا معجب وسجل إعجابي .. مـروري

المشاركة الأصلية كتبت بواسطة راع الزلفي (المشاركة 988166) ومثلها نقرا الوقاحه على وجيه اللئام كم يفسر وجه حاقـد لقلـب ملتهـب وكم تصفحنا المكارم على وجيه الكرام مثل ماشفنا سواد الوجه فاهل الكـذب صح لسانك ابيات في غاية الروعه لاعدمناك

المشاركة الأصلية كتبت بواسطة الشهراني (المشاركة 988169) صح لسااانك و بيض الله و جهك درر و حكم ابيض وجه يا شعيل

المشاركة الأصلية كتبت بواسطة أخو جوزا (المشاركة 988240) ابداع غير مستغرب من اسرة الشعر صح لسانك