| الشاعر فهد رحيم النفيعي |
04-Feb-2010 09:25 PM |
محلمةالنفيعي بعنوان ((لا قطفت من الورود))
لا قطفت من الورود
لا قطفت من الورود = فالصوادر والورود
لا تبيح بالسدود = ما على الدنيا ضمان
الهوى دربه صعيب = ما يفيد ابه الطبيب
من بعيد ومن قريب = الرجل قلب ولسان
الهوى يسقيك مرّ= بين برد وبين حر
كم يسر وكم يضر= شفت مدعوج العيان
لا تغر من الدروب = فالشروق وفالغروب
العمل دوم مكتوب= سر والا فالبيان
أنتبه كل العلوم = وأنت رجل من القروم
كل شهر وكل يوم = والعشر ماهي ثمان
الوفاء طبع الكرام= الرياجيل الحشام
من رفيعين المقام = عبر دورات الزمان
ما علي من الظروف = وش تورى وش تشوف
بين امان وبين خوف= لو يشاور بالبنان
العرب تبغا الشجيع = رجل يرقا كل ريع
سبع للمعنى سبيع = حان وقت الجد حان
ضيفنا يلقى السعد = بالتراحيب وبعد
ما نغر من الوعد = وأن قلط فوق السمان
ما نقول الا الصحيح = والعرب تبغاء الفصيح
لو ينادي لو يصيح = ما يبا يلقى حنان
من علوم الناس شبْت = ومن هل التحريف هبْت
من ألهي دوم خفت = ما فلت لها العنان
منزلي دوم(ن) رفيع = في شتاء ولا ربيع
وان تحزم بالذريع = ما نخاوي رجل خان
اه ياوقت(ن) مضى = القلوب ابه مرضى
إن زعل ولا رضى = لو ركب فوق الحصان
ما على الدنيا حسوف = بالمشاكل والظروف
من يصفق بالكفوف = ان جلب يجلب سمان
لاتذم الغانمين = كل وقت وكل حين
عد دورات السنين = لا ركزت اركز سنان
كان ناوي بالسفر = هات لي علم وخبر
لو على تال الشهر = كان هذا العلم كان
الشعر هاجس وفن = وزن طيب مع لحن
المعاني مِن ومَن = كل شاعر له مكان
اكتب الشعر بحروف= الشعر دوم معروف
لو يهزون الكتوف = زان علم الشعر زان
ان بنيت الشعر هات = لا تقول العلم فات
الحروب مناورات = بين أنس وبين جان
ربنا رب(ن) رحيم = والدهر ماهو مقيم
يا ألهي يا عظيم = كل يوم(ن) فيه شان
أحسب حساب الليال = قافي الدعوة مجال
من بعد هل الهلال= يا فلان ابن فلان
ما تخالطه الظنون = و الاوادم يعرفون
ما صار الوقت دون = لو تخفى العلم بان
الصبر يعطيك قوت = يشبه لبنك(ن) ونوت
مات حوت وعاش حوت = زان وقته دوب زان
ادمح الزلة وقم = وأن دعاك الرجل سمّ
ينجلي لك كل همّ= عان درب الخير عان
صلى فرضك و احتسب = كل ما حان وجب
وإن دعاك الرب أجب = فيه فردوس وجنان
بقلم / فهد رحيم النفيعي
|
