سلام ردية وفا حسب العوايد والسلوم=واخص ابن غازي بها من دون قاصر فالرجال
وين الكلام اللي ليا وقع كما ضرب السهوم=ضرب السهوم اللي يوسم في صفا صم الجبال

يامرحبا واللي بعدها هات من جزل العلوم=حاظر بحاظر دام عندك ياصحيبي راس مال
الكلمه اللي من لساني تفلج كبار الخصوم=هذا كلامي والاجابه جايتك حسب السوال

احد(ن) علومه للثرى واحد(ن)علومه للنجوم=واحد(ن)علومه يوم اميز لا حرام ولا حلال
الله يبارك فالرجال اللي يسدون اللزوم=ليتك تعلم من جهل بالعلم في تال الليال

اللي علومه للثرى فالوقت عايش ومحروم=ماله مجالٍ مع هل الوقفه شغاميم العيال
عزالله اني يوم افكر كل ليل وكل يوم=اقول بعض الناس ماهو كفو في وقت القتال

ماكل من قاس البحرياصاحبي يقدر يعوم=قصر العلوم اليوم يكفينا عن علوم(ن)طوال
التاجر اللي يجلب السلعه يدور من يسوم=واللي يسوم السلعه القشرى مايشرب من من زلال

الصقر طول العمر صقر البوم طول العمر بوم=والعلم ياضح كلما دار الرشا فوق المحال
مشغله وقته والزمان اللي معرضه الهموم=ونهايتة معروفةٍ بين الحقيقه والخيال