من باب دامك فاضي ولابه اشغال = قالو لي اشتر موترٍ للمكدّه
يدخل عليك ريال مع دربه ريال = وكل القضيه جيب راكب وودّه
وحط الشهاده وسط درجٍ له اقفال = ولا توسّد من علاها المخدّه
قلت اشترينا ! وابتدينا ! وطوال .. = في شارع الخزان رحنا نودّه
العام ما داني مع الخط عمّال = واليوم للعامل بقلبي مودّه
في خدمته في ذمتي خوش رجال = اتناوله قدّام يشّر بيدّه
مواطن وكل الهدف يستر الحال = والجوع لقمه من حلالك تسدّه
واللي ينافسني على العيش بنقال = ايحدّني ! وامرار اكافح واحدّه
ومن شافني لابس لي شماغ وعقال = جنّب وعني ما يبا غير صدّه
السر خافي ! في ضميري ولا زال = يجوز احصّل حل سرّي وردّه
طشيت ثوبي ثم تلبّست بنطال = وومي براسي كل ما خذت مدّه
ما اخذت لي في حيلتي عدة ليال = واليا المصيبه فوق راسي تكدّه
قالو سعودي ! مار مجرم ومحتال = واثر الرقم فضّاح لارحم جدّه
لك نيّه ومقصود وعقال مع فال = مار اعترف ؟ والهرج بالحق بدّه
قلت العمامه شر للرزق واجفال = واللي لبسها دمعته فوق خدّه
الاجنبي راسه على روسنا طال = وابن الوطن وسط الوطن باح سدّه
عقب الرشاوي مدّها سر واذلال = اليوم راعيها يماري بمدّه
من الطبيعي يخطي الرجال لا مال = ومن المصيبه ما يجي من يردّه
واللي يبا في نقدي إثبات وادلال = يمشي معي وافرّجه سيل جدّه

الاجنبي راسه على روسنـا طـال وابن الوطن وسط الوطن باح سدّه عقب الرشاوي مدّهـا سـر واذلال اليـوم راعيهـا يمـاري بـمـدّه من الطبيعي يخطي الرجال لا مـال ومن المصيبه ما يجي مـن يـردّه واللي يبا في نقدي إثبـات وادلال يمشي معي وافرّجـه سيـل جـدّه

الاجنبي راسه على روسنـا طـال
وابن الوطن وسط الوطن باح سدّه
عقب الرشاوي مدّهـا سـر واذلال
اليـوم راعيهـا يمـاري بـمـدّه
من الطبيعي يخطي الرجال لا مـال
ومن المصيبه ما يجي مـن يـردّه
واللي يبا في نقدي إثبـات وادلال
يمشي معي وافرّجـه سيـل جـدّه


الله الله يازياد

صح الساااااانك دبل

( شكراً لك )