بعد التحية والاحترام

الرائد الطيار / بدر مويسان المغيري

رجلٌ قل مايوجد من يماثله في أخلاقه الحسنه وتواضعه الكريم . كنت في ضيافته في القاعده الجويه في الظهران

فأثلج صدري ماوجدته من حفاوةٍ وترحيب , وبعد أسبوع أرسلت له أحد الزملاء برسالتي هذه ... التي أتمنا أن تنال إستحسانه وستحسانكم جميعاً

يابدر راع الطيب مايقصر الطيب = يسعى ورب الناس مع من سعويا
يبدي بفعل الطيب روس المراقيب = لودونها اسباع الخرايم تعويا
شرواك ياموفي حقوق الأصاحيب = يامزبني يوم الرخوم ألتوويا
أهل الوعود الكاذبه والهناديب = أربع أسنينٍ ماقضولي دعويا
أنخى الرفاقه وأنتخي بالأجانيب = أصيح .. عيا لازمي ينقضويا
راحت نخاوينا لك الله جناديب = ماكن بين الناس من ينتخويا
أن كان مالله يسر ألنا المطاليب = وظاقت علانا واسعات النحويا
وغثرب زمنا صافيات المشاريب = نارد على العَد القراح الرهويا
قم يانديب الطيب ثم شغل الجيب = وسره مسار اللي سرن للعشويا
أذيابةٍ وليا توازن كلن ذيب = ماعودن عقب المساري طوويا
وصل سلامي يم راع المواجيب = مدام ربع الطيب ماهم سوويا
بدر العطاوي والليالي تجاريب =قد علمتنا بالدنا والقصويا
أما ركبنا فوق حرش العراقيب =اللي توصلنا بعيد النوويا
ولا رجعنا بالجروح المعاطيب = اللي طوت خافي خفانا طوويا
الرمي يخطي يابدر نوب ويصيبب = والله كفيل برزق خلقه وقويا
مانيب على الطيب قريب محاظيب =أن كان ماسندتله ماتهويا

المشاركة الأصلية كتبت بواسطة أخو جوزا (المشاركة 982511) صح لسانك يابو ناشى

المشاركة الأصلية كتبت بواسطة ابن سرحان الثبيتي (المشاركة 982522) صح لسانك يابو ناشي " ويستاهل راع الطيب سخرت لك قافيه صعبة " تحيتي لك ولابداعك "

المشاركة الأصلية كتبت بواسطة \\عابر سبيل\\ (المشاركة 982530) اقول يابن ناشي صح السانك مليون والممدوح يستاهل وترانا زعلانين على هالغيبه ولاتحرمنا من ابداعاتك