سرا ليل السعادة وانتحى واستادت الاحزان = على جوي من فراق الخوي والضحكة الحيه
رحل من غير يستاذن كتب اسطر تحت عنوان = وداعية عسا في يوم نتقابل وداعية
اخذت اقرا كتاباته ودمعي يسيل الوديان = وانا ماسال دمعي له ثلاث سنين وشويه
رحل عني وخلاني وحيد اصارع الحرمان = اسير الوحده اللي متعبه فكري ورجليه
رحل عني وخلاني وقرر ينتسي ماكان = نسى كم مرة ياقع بها وتشيله يديه
نسى مر الحياة وحلوها ومصادم الازمان = نسى كم مرة صادمتها واصبحت انا ضحية
نسى كم ليلة ماذاق غير الخوخ والرمان = وانا ماذوق غير العلقم اللي زاد مافيه
نسى كم مرة يخطي ولايلقى سوى الغفران = ارد السية بحسنه واسامح واغفر السية
الا ياعين لاتبكين الا ياقلبي الولهان = كفى واللي رحل عنا مصيره يذكر الجية
مصير الوقت من جوره يوريه العذاب الوان = الين يذكره مافات واللي حاصلٍ ليه
كذا هو حال هالدنيا كذا هي عيشة الخلان = سنة فيها تعيش الصدق وعشر احلام وردية
وانا من بعد مابانت لي فعوله وغدره بان = ابا اعلن ماخفى في داخلي وابيح النية
اذاماكان وده يبدل اللي راح بالاحسان = معاي اليوم ماتفرق ترا ذيه ولاذيه
جبرني انتظر غيره واسطرله تحت عنوان = عساه يشوف ماشفته ويلقى كثرها مية

نسى كم ليلة ماذاق غير الخوخ والرمان
وانا ماذوق غير العلقم اللي زاد مافيه

نسى كم مرة يخطي ولايلقى سوى الغفران
ارد السية بحسنه واسامح واغفر السية


صح لسانك مدد .. وهذي واقعيه مهب خياليه .. ياشاعرنا القدير


ولا يحتاج لها إنتقاد لأنها شامخة ومترابطه وجزلة وذات ايقاع راقي



تقبل تحياتي ومودتي

المشاركة الأصلية كتبت بواسطة عيد بن مرضي (المشاركة 981241) نسى كم ليلة ماذاق غير الخوخ والرمان وانا ماذوق غير العلقم اللي زاد مافيه نسى كم مرة يخطي ولايلقى سوى الغفران ارد السية بحسنه واسامح واغفر السية يا سلام يا سلام يا اخوي انت مبدع اي والله صح لسانك لين ترضى قصيده شامخه وعيبها حلاوتها:) متابع متابع جديدك