بعد غياب اسنيـن وايـام وشهـور = وفي ساعة ليت القـدر مـا جلبهـا
صدفه تقابلنا علـى بـاب دكتـور = لحظة تساوي عمر شخـص كتبهـا
اربع دقايق صمت واحساس واشعور = ونظرات شوقـن عارفيـن سببهـا
كن الحياة مترجمة حبـر واسطـور = لو تامـر ابروحـي لنفـذ طلبهـا
يا مصورين الوضع مافيه مستـور = الصوره اللي نـادره مـن كسبهـا
والدمعه اللي كنهـا مـاس بلـور = من عين ذيك اللي عريـب نسبهـا
فيها سؤال لقلب ينـزف ومكسـور = واجابته ماضـي السنيـن وتعبهـا
وشتت ذهول الوضع كلمات دستور = خوف الطبيـب لحاجـة ماحسبهـا
اقفت وانا واقف من الوضع مبهـور = وبيدينهـا ثـمـرة زواج نكبـهـا
انا اعرف انه غصب عنـه مجبـور = حسبي على من بالظليمة غصبهـا
كنت ابني أحلامي عمارات وقصـور = غير السنين اللـي شقاهـا غلبهـا
دكتور غيبني عن الوعـي دكتـور = لو ساعتين انسى الحيـاة وتعبهـا

صادفتها في عيادات الفلاييني=شمال جده وانا اللي حالتي حاله
رحت اشكي القلب وعروق الشراييني=ولو كان ماجيت يمكن حالي اشوا له