| مشاري الحبردي |
22-Jan-2010 04:12 PM |
قصيدةالشاعر فايز العازمي في الشيخ بندر ابوسنون ومناسبتها
السلام عليكم ورحمة الله وبركاته
طلب الشاعر فايز بن مفيز العازمي المساعده من مطلق الحبردي, وعنز به مطلق على الشيخ بندر بن عليثة ابوسنون فاستجاب الشيخ بندر واعانه بعد الله على مطلوبه
وهذا الفعل ليست غريب من ابناء قبيلة عتيبة الهيلا
فقال الشاعر فايز هذه القصيدة واللي هي مدح في الشيخ بندر والقبيلة كافة:
يوم انها ضاقت مـن يسـار ويميـن=ومشيت انا من فوق الاقـدام حافـي
وضاقت بي الدنيا وهو ظيقها شيـن=والعين صار الها عن النـوم جافـي
رجعت للتاريخ واهلـه مـن سنيـن=وقريت عن ابـرز هلـه بالجفافـي
ولقيت بالتاريخ مـن بيـن قوسيـن=ان الحبـردي بالثمـان العجـافـي
ملجى اليتامـا والفقـارى المساكيـن=ومنصا الرجال وقلت هالفعـل كافـي
وبسـم الحبرديـه كتبـت العناويـن=وعلي معانـي رغبتـي شـد قافـي
ونصيت مطلق لاغدا العلـم علميـن=له بالوفـاء ميقـاف بيـن وخافـي
ورحب وفز وياهـلا فيـك واهليـن=من قلب في ضحكت حجاجه تشافـي
واخذت من بكـر الثـلاث المزاييـن=فنجال من بيـض الـدلال النظافـي
وشرحت له وضعي وقال امش هلحين=ومشيـت انـا ويـاه يـم السنافـي
ورحنا لبندر شيـخ روس المسميـن=بندر عليثـه مصـدر الجـود يافـي
ورحب بنا ترحيـب مشفـي بغاليـن=وفزت كريم الجـود لاشـاف لافـي
فـزت نداويـن بركـز الجناحـيـن=طلع سما طلعـن سـوات الطخافـي
ودخلت بيت ابن الرجـال المواميـن=قولن علي برهـان مهـو اختطافـي
يـوم الليـال الماضيـه والاكاويـن=ومن القسـي ماكـل واحـد يظافـي
بالعز معمورن يـذري عـن البيـن=واللي دخله خايـف ومـن مايخافـي
يمـلا مساكينـن ويمـلا سلاطيـن=امـا كـذا ولا كــذا الاختـلافـي
ما مساكينن يبـون الـذري الزيـن=ولا سلاطينـن لهـا القلـب صافـي
تبادله قدرن علـي الـراس والعيـن=ويبون له وجهـت نظـر واحترافـي
وقدم لنا اول كيـف بكـر الملاويـن=من مصنع البغـداد بيظـن هدافـي
مع ريح كمبـودي بغـال المثاميـن=والكيـف يشبـه صبتـه بنشطافـي
للورد لـون وللثـراء فيـه لونيـن=والنقـش بالحنـاء ودم الرعـافـي
ولنا علامات الفـرج قامـت اتبيـن=وضحكت حجاجه سبـت الاكتشافـي
ويقول مادمنا علـي الارض حيييـن=للضيـف مايرفـا المعاذيـر رافـي
ولو اعتذر منكم مال العـذر تثميـن=وحنـا تجرينـا وبحنـا الخـوافـي
قال ابشرو وحيات من يحمي الديـن=لبذل لكم جهـدي بضيـق وعوافـي
لاحط مع جاهـي بلازمـك جاهيـن=ما اعقب الميقـاف بالرجـل قافـي
ومشيت من عنده سعـوط المجانيـن=ورميت همي مـن كلامـه خلافـي
وبندر وفاء ابوعده من رجال وافيـن=يفداه من نوره مـن الجـود طافـي
وياالله يامنشـي صـدوق الوداديـن=يطلبك من الك استعـى واستطافـي
انـك تجملنـي ياربـي بالاثنـيـن=والكـل منهـم طيـبـن ومتعـافـي
وجعلي مع الوافين بالعسـر والليـن=وافي وسترالله علـي الكـل ظافـي
واختامها با ازكي صلات المصليـن=وعلي النبي صلـو بختـم القوافـي
هذا مالدي والسلام عليكم ورحمة الله وبركاته .
|
