لاضاق صدر الفتى من شيءٍ يحسّه = ولا ثار با الراس شيء و(دنّ) هاجوسه
الطرس تحت القلم لو ينلعن رسّه = مافاد حبر القلم لو ذابت طروسه
اشره على اللي يقيس النبض ويجسّه = بين المخاليق يمشي كنّه السوسه
فالسمن دايم يحط السمّ ويدسه = لاشاف له شيء راكد لازم يحوسه
يلعب مع الناس مثل الفار والبسّه = تضرس على (الغافله والغافل) ضروسه
ابليس فاشح علاه ودايم يوسّه = كنه على الناس يصرف باقي فلوسه
هذا وانا لو مسكت الحبل ابا امسّه = لين إنّي آطا على علباه وآدوسه
حتى انّي العن ثواه وينقطع حسّه = ونرتاح من عالمٍ عميا ومهووسه
الله يجازي ضعيف النفس ويخسّه = ويهدّ عالي بناه ويقلع غروسه
مانيب شارب هواء وافكاره تهسّه = شوفي بعيد المدى وإخطاي مدروسه
دايم ليا لاح برق ورحت ابا اعسّه = أذكر حدود الحيا .. واثبّت عسوسه

مـانـيـب شــــارب هــــواء وافــكــاره تـهـسّــه=شوفـي بعـيـد الـمـدى وإخـطـاي مـدروسـه
دايــم لـيـا لاح بــرق ورحــت ابــا اعـسّــه=أذكــر حــدود الحـيـا .. واثـبّـت عـسـوسـه

و سبعة انعااام يا بو طلال


قصيده رائعه و قافيه اروع


مشكووور و لا تحرمنا من جديدك

شاعرنا القدير/ الرأي السديد



ماعليك زود يالقرم



ومرورك اروع لاعدمتك



تقبل خالص مودتي واحترامي

الله الله الله

الله الله


صح ألساااااانك دبل ياعبدالله


نص يستحق الإحترام كما يستحقه شخصك الكريم


سجل إعجابي بدون مجامله



تحيااااااتي