تعال يالعمدة بعد ماغلّق الراي السديد= ابا اخذ علومك وانا عجلان والساري سرى
الرمية اللي قمت تحذفها ورى الحيد البعيد= عساك ترميها على النيشان والساري سرى

ابسط يدينك يالنفاعي وانت اكيد المستفيد=احفظ من الايات فالقرآن والساري سرى
طول الرقاب وقصرها ما كلف السيف الحديد=لكن جنب يالجمل شقران والساري سرى

عزالله اني يارعد خابرك شيطانٍ مريد = اعوذ بالله منك يالشيطان والساري سرى
هات الخبر ود الخبر شغلتك ياساع البريد =واليا طلبت فلان جاك فلان والساري سرى

اللي يقدم روح عن دينه ويرخص بالرصيد=في ذمتي ماهو مثل نومان والساري سرى
ان وقعت فالجندي المعثور والا فالعــــقيد=ما طففت في كيلة الميزان والساري سرى

الخطر الاحمر لاتمره شوف لك دربٍ جديد = لاصرت ديّن تبخص الاديان والساري سرى
الاولة حظك ردي والثانية هل من مزيد = اهرج مدام الهرج بالمجان والساري سرى

العلة اللي شفتها في زيد صارت في عبيد=اثر الثنين المبتلين اخوان والساري سرى
يا بدو ياللي في طرف عسفان مدري في قديد=ام الكباير في طرف طهران والساري سرى

عان الحمامة يارعد غنت على غصن الجريد = مار البلا في طير ابن برمان والساري سرى
ام الكباير لو نبا نطلق علاها ام العبيد = يبي يبين الفرق فالاخوان والساري سرى

يا سعود يوم تقيم .. والثاني تطري بالشديد=وراك ما تختار فالامران والساري سرى
سكنت معها يا طويل العمر في بيت القصيد=ما عاد لك مخراج مهما كان والساري سرى