يا سعود اقرب ترا لبيه يعني لبه=عيد الاضحى و الفطر في شرعنا مقرونه
شاعر الشعار لو في راسه امية حبه=بذن ربي ما يروح الّا و هي مطحونه

واصلك باللي تبا واللي تباه العبه = والجبل مازحزحه ظبيٍ طوال قرونة
شاعرٍ كب الفروض ونص دينه كبه = نعرفه لامن تكلم نيته ملعونه

لا يغرك لو لبست التاج فوق الجبه=العلوم علوم من تحت الثرى مدفونه
كان ودك بالنصيحه رجم عمك ذبه=لجل ما تخسر غرام الفاتن المزيونه

قوم جمّع فالحطب والجمر الاحمر شبه = وانت رجلٍ والله اني ما اعرف وش لونه ؟
من نزل وسط البحر يحسب مقاس الغبه = والسبابيح اربعة والسالفة موزونه

كل رجالٍ على ما قيل يحما نبه=و الجمل سمحان شل الحمل فوق متونه
خابرين الباب ما يفْتَحْه غير الضبه=غير ليه الصاحيه تمشي مع المجنونه