الشكوى لله عالم الجهر والغيب = ولا البشر يا خوي ما ينشكي له
كم واحد(ن) يلحق علينا المشاهيب = يلحق مشاهيبه بيوم (ن) وليلة
أليا بغا حاجة لابد انه يطيب =يحتال اله فالوقت عشرين حيلة
كلام معسول(ن) قليل العذاريب= ويقول أنا بأرقا لرأس الطويلة
لاتحتزم به فا لليال العواذيب = ساعة وساعة ينفري به صميله
عوايده بالوقت شذب العراقيب = هرجه كثير ولا عرفنا حصيله
قليل ميقافه بوسط المحاريب = واليا مشى بالدري عدله وميلة
ياذيب ياللي تقنب عواك ياذيب = شان الزمن والعقل ضيع دليله
يا ما خذينا من دروس وتجاريب = تفيد راع الفكر ما بين جيله
الراحلة بالخيل والشمخ النيب = ويشيل باليمنى سيوف(ن) صقيلة
لو الزمن برد(ن) وحر ولواهيب = سمحان يبرك للحمول الثقيلة