لاوالله الا راح قلبي وولا=واصبح يعد الثانيه والدقيقه
وأنا احسبنه عقب الاول تخلا=مايدخل بحور الغرام العميقه
واثره رهيف يتله الزين تلا=مامثل قلبي فالقلوب العشيقه
يازين ياللي فيك قلبي تبلا=تركتني عكس الحرار الطليقه
لاني بمفكوك ولاني مجلا=متعلق مابين فرحه وضيقه
كنت احسبني معك بس اتسلا=واثرك سرقت القلب عندك سريقه
لين انحكم عقب القدم فيك زلا=في حكمك الجاير بما لا أطيقه
بس انتظر ظلمك سوات المخلا=بين السباع بدون حيل وطريقه
إن كان تشفع لي عيونن تملا=مع تضحياتن لجل عينك وثيقه
فاعطف على قلبن بحبك يذلا=وألا أخبره وش نيتك والحقيقه
أما نصرته وأنت عينك تحلا=وألا كضم غيضه ويقسى رقيقه
وألا وقف وأنهى حياته ودلا=وأوقف معاليقن بحبك دفيقه
هذي ثلاث حلول وأنت المولا=يوم الرجا ودي بلمعة بريقه

صح أللسااانك يامحمد


أثرك تكتب غزل وأنا مدري


ههههه


نص معبر تقبل تحيااااتي

المشاركة الأصلية كتبت بواسطة عيد بن مرضي (المشاركة 978004) يازين ياللـي فيـك قلبـي تبـلا تركتني عكس الحـرار الطليقـه لانـي بمفكـوك ولانـي مجـلا متعلـق مابيـن فرحـه وضيقـه صح لسانك يا محمد قصيده بحق رائعه لاهنت

المشاركة الأصلية كتبت بواسطة طلال ناشي (المشاركة 978011) صح أللسااانك يامحمد أثرك تكتب غزل وأنا مدري ههههه نص معبر تقبل تحيااااتي

المشاركة الأصلية كتبت بواسطة عطاالله النفيعي (المشاركة 978034) صح لسانك ويعطيك العافيه يابوغازي لاهنت