الا يا عقاب يا عقاب و الدعوى سلامات=عسى شاطي حقل يعترف في طور سينا
انا ما همني كانها راحت و لا جات=عطانا يفقر اللاش لا منّا عطينا

والا ياصاحبي حسبي الله منك بالذات = تحسب ٍ ان الجبل موقعه في كل مينا
ونعم ٍ فيك لكنّ ماشفت إلك مدّات = اذا ناوي تجمّل نبا نبسط يدينا !!

على الشاطي و انا خوك يا زين الحكايات=حكاياتٍ مضت في قديمات السنينا
على شان الغلا و المحبه و الصداقات=ليا منّا بنينا لا تهدم ما بنينا

والايا تاجر السوق ضيّعت الجنيهات = بعد شفنا بضايعك لابعنا وشرينا
ليا منك بنيت الجدر تلقى معونات = لكن ليا هدمته عليك ولاعلينا !!