مرحبا بالشاعر اللي يمتلك رايٍ سديد=في محل عتيبه الهيلا وارحب بك واهلي
انت شاعر معتبر رمزٍ من رموز القصيد=مير لاكن يا جملنا ويش تشيل وش تخلي

البقا يا صاحبي و ابشر هلا باللي تريد= يا عسى في ديرة عتيبه يهل الخير هلّي
انت يا عيد المسمى لا تزيد و لا تعيد=ما بقا غير السيوف اللي تسل العظم سلي

أنت نازل وسط ديره لا تطري للشديد=لو تلف الكون ماتلقا مثل هذا المحلي
خلفك البحر الغزير وقدمك اسيوف الوليد=والسماء منته ب/واصل فوقك الرجل المظلي

بارك الله فيك لو كان الصعاده للصعيد=السما فيها نجوم و كل نجمٍ له مطلي
نسبح البحر الغزير و نكسر سيوف الحديد=و ان وردت آصدر و انا راوي و غيري ما يبلي

لا تعزوا وانت قلبك باردٍ مثل الجليد=ثم يا راع الكويت نحطكم ف/أقصى حولي
النخل ماهو على طول السنه خضر الجريد=وكل بيرٍ لا تحسبن الدلاء جوفه يدلي

الله اكبر تفرق السادات من دم العبيد=و انت كانك جيت كلك يا بطل ما جيت كلي
طال عمرك و السواني ما شكت كثر الجبيد=غير خل الوضع هادي لا تزل و لا نزلي

الله اكبر والمنيه قربت حبل الوريد=مير تكفى يا جملنا لاتروح ولا تفلي
انت شاعر مثل ابن شايق وانا مطلق وعيد=ادفن الجزله ولا لي ف/الحلاوه لو تحلي