اليكم بعد السلام عليكم هذه الابيات لتواصل عسى ان تجد شي من الاستحسان

قـد قلتلـك لكـن ماتسمـع القـول=انتـه مسـارك مايوافـق مسـاري
دامك على التمثيل والنمـك مجبـول=هـذي تبـي تلقالهـا عـم غـاري
تضحك على العراف ماهوب معقـول=اليـا نجحـت بغـش فاالختـبـاري
راع المعرفه تنكشف له على طـول=لصـار فاهـم فالكتـابـه وقــاري
وانكان تطمع تقنعـه فانـت مبـدول=والله ال تبطي في غداريـك سـاري
وتصبح كماالمعروف في حكم مجهول=وفي الشعر مثل الصفر على اليساري
وش هولـه اجاملـك بالله يابالهـول=اقولهـا والكـذب ماهـوب كـاري
ماطعتني يـوم ان بيدينـك احلـول=قـدام تبلـش وانـت بالعلـم داري
كشفت ملعوبـك ولا اخبرتبـه زول=قلت انتبه قبـل الهبـوط اظطـراري
الي على راس الهرم جيب محمـول=يبي يدحـدر مـن علـوه اجبـاري
وعن ماحصل ماغيرك انسان مسول=لاعـاد تدوخنـي بكثـر الهـذاري
اكلك على اللي طبلولك من الضـول=والزم مسـارك لاتعـرض مسـاري

المشاركة الأصلية كتبت بواسطة الراي السديد (المشاركة 975302) الزم مسارك لا تعرض مساري صح لسانك و لا فض فوووووووووووك مبدع دائما

المشاركة الأصلية كتبت بواسطة فهد رشيد الزلامي (المشاركة 975397) وتصبح كما المعروف في حكم مجهول وفالشعر مثل الصفر على اليساري صح لسانك ولاهنت