سلام الله على حاكم عسى حاكم يحكم الشور=على ما قيل و المعنى على غتْرَتْه و عقاله
ابيك تفسّر الموضوع و الباقين دون قصور=اشوف ان القَصَر حرّاس بابه كثْر عمّاله

هلا يامرحبا ترحيب له منهج وله دستور =على قانون مايهزع يمين الدرب وشماله
يعود الحكم في بغداد لبو جعفر المنصور =بنى قصر الخلافه ..وانت عيش وموت بضلاله

يدوم الك البقا يا الشاعر المعروف و المشهور=ترا الايام يوم و يوم نزّاله و رحّاله
ترا كلمتك يا حاكم بلد ما تغرق البابور=عسى بو جعفر المنصور يظبط كيف فنجاله

ترى ماني حبيب وانت منت بصاحبه مستور =ولكنا قرومٍ من رجال العرف والطاله
حلفنا مانسكر باب قصر المصمك المعمور =مشرع للضيوف ومن يحوص يسار نشتاله

انا الراي السديد اللي علومه بين سور و سور= اكيل و كل شاعر بالمعاني دوك مكياله
نبي نمشي على الخط السليم اللي عليه النور=لونّ القوم نص القوم نصّابه و محتاله

مدامك بين سور وسور فانته بينهم محصور =وانا وسط البحر سباح من جاله ليا جاله
ليا منك مشيت تسرني واقول الك مشكور =تراني عارف الداب المرنقط واعرف عياله

لونّك تعرف السورين ما جبت الهروج العور=عسى السبّاح يحفظ قيمته و يشل دسماله
اشوف الجنه الخضرا و لكن ما نظرت الحور=عسى ما هي سياسة بوش يا حاكم و جهّاله