سحاب(ن) هل وامطر مير ماينبت طشاشه عود = هماج(ن) مالح(ن) ويموت ذاك العود لوذاقه
سحاب(ن) هل وامطر لين شعبانه يصيرن سود = هماليل(ن) تهامل مير ماقد لاح براقه
اظنك عارف ان السحب عيني مير يالمقرود = مثل من يستغيث ويطلب من الغيث وارزاقه
تغلى وانت عارفني لاحاسد ولامحسود = بياض(ن) لاح بالعارض وكبد تفوح بحراقه
على ساحل غرامك مركبي وقف على المارود = وماج البحر منه وهاج وحنا مابنا طاقه
وطيفك زارني تكرار لاجاحد ولامجحود = ولكن الاصل عيا بعهد(ن) حل ميثاقه
انا ماني ضعيف وتعرف إن الفهد ولد فهود = ارود الموت لو القلب منه انتل معلاقه
لياجا لجد وصار الجد وقت الجد قدح زنود = فلا ارضى الذل لوني ضرير(ن) منكسر ساقه
حياة الذل ماتقبل وانا ماني لها محدود = حياتي كان ماعزيت نفسي ماهي شفاقه
ولامنه التحم جيشي وجيشك وانطلق عبرود = يبين اللي لبس خوذه من اللي لابس طباقه
نصيحه قدر النعمه تراك بنعمتك محسود = ترى كثر المعاصي للنعم تصير بواقه

المشاركة الأصلية كتبت بواسطة أنور الروقي (المشاركة 973783) صح الله لسانك أخوي على القصيدة بس ممكن انقلك قصيدتك منتدى آخر إذا لاا راح اتقبلها بصدر رحب و إذا نعم اذكر لي اسمك الثلاثي او الثنائي و لاهنت

المشاركة الأصلية كتبت بواسطة معلا إبراهيم الأسعدي (المشاركة 973834) لياجا لجد وصار الجد وقت الجد قـدح زنـود====فلا ارضى الذل لوني ضرير(ن) منكسر ساقـه صح السااااااااانك على القصيده الوافيه

المشاركة الأصلية كتبت بواسطة معلا إبراهيم الأسعدي (المشاركة 973834) لياجا لجد وصار الجد وقت الجد قـدح زنـود====فلا ارضى الذل لوني ضرير(ن) منكسر ساقـه صح السااااااااانك على القصيده الوافيه

المشاركة الأصلية كتبت بواسطة التائب (المشاركة 973962) صح السااااااااانك على القصيده الوافيه