بديـت متأخّـر ولكنـي بديـت امـن الاخيـر=
وتقدر تقول ان ابن ابي سلمـى لقـى حوليّتـه =
معدل الشهيق عنـدي صـار اضعـاف الزفيـر=
لان احتيـاجـي للهوى يشعـرنـي بقدسيـتـه =
شحيح كـم ولابغيـت الكيـف تلقانـي غزيـر=
واليا بغيت تقيس قيـس الشـيء مـن كيفيتـه=
ماكـان صمتـي ياريـاح العاصفـه إلا نـذيـر=
إنه سكون الجـو قبـل الريـح تمحـي سيتـه =
صدر الحجازي ضاق والدنيـا رحاهـا مستديـر=
ومن يحتوي صـدر الحجـازي لافقـد نفسيتـه =
مابين تيار الضـروف وبيـن تحديـد المصيـر=
لقيتنـي واقـع مـن الواقـع علـى أرضيـتـه =
أثر الحقيقه غير وأحـلام الخلايـق غيـر غيـر=
كم كنـت أخشـى صدمتـي فالواقـع وماهيتـه=
أنا غرير الحلـم ولّا الحلـم فـي قلبـي غريـر=
أدفـع ثمـن خطيتـي وأدفـع ثمـن خطيـتـه =
ياقمـة التأثيـر ياعمـق الإثــارة والمثـيـر=
يالـقـوة المستبسـلـه يالظـالـم وقمعيـتـه =
القيد فوق القيد أدمـى معصـم الحـر الأسيـر=
أطلـق يـدا مسجونـك اللـي ينتظـر حريتـه =
كل الفصول الأربعه في حضـن قلبـك زمهريـر=
شتـا شتـا شتـا شتـا فـي قلبـك ومعيتـه =
أطلق سراح البـرد لكفـوف الدفـى يامستعيـر=
البرد وضروفـه مـن أجـواء القلـوب الميتـه =
فصل الشتا خصمي ولا اقبل فيك لاخصامي خشير=
أشك فـي فصـل الشتـا وأشـك فـي أهليتـه =
أكيد أكيد إن احترام الخصم مـن شيمـة مطيـر=
لكن خصمـي مـا أحتـرم خصمـه ولاعقليتـه =
لذا عليك الإشتعال ولـو يصيـر اللـي يصيـر=
عـط قلبـك الفرصـة يعـود لجـوّه وعفويتـه =
وأنا علي أغفر ذنوبك وأرتكـب ذنـب الجريـر=
حتـى ولـو سجيـتـي ماطابـقـت سجيـتـه =
واعيدك لأجمل عصـر وأدفـن حثالـة بودليـر=
كـي يستعيـد الإمـعـه ولائــه لقوميـتـه =
ضبط التوازن صعب والدنيـا رحاهـا يستديـر=
وصدر الحجازي ممتلي مـن حزنـه وحوليّتـه =