يامرحبا بالكبتن اللي ياعتيبه له شهر=وهوه عليه مسلطين الضوء وسط الدائره
فيه متواجد كل ليل وعينه امرضها السهر=يجاوب اللي ياسئله والاب توب مصايره

دام البقا وأنته تجهَّز يالعتيبي للسفر=اسمك لقيته كاتبينه في جناح الطائره!!
حنا ليا جات اللزوم أنواجه الموت الحمر=ماهو جهازً نسيّره باللّي نبي ونسايره!!

ليا توكّلنا على الله مانحوّل فالخطر=اسم الله يخلي شياطين الاوادم حايره
تحط نفسك فالشرك وتقول انا رجل ضفر=وقامت تناهشك السراحين ودميك فايره

الموت ماتقدر تردّه ساعتين اليا حضر=ولا هو صديق الّك عشان تحايله وتخايره!!
اليا تجمّعنا تجمّعنا على عز وفخر=وألاّ أنت يالاصعر تنير مع الرجال النايره!!

الموت عند الله لكن العلم في يوم الحشر=مالك رفيق يحتميك ولاش عنه مذايره
انا ليامني دخلت المجلس اجلس فالصدر=يوم انت وسط السجن والحارس ربطك بوايره