للوطن تقدير في قلب السعـودي=من سنين فايتـه ماهـوب تـوه
حبنـا لبلادنـا دايـم يـزودي=والله انـا نحـب موطنـا بقـوه
حب مايبغا دليـل ولا شهـودي=موقعه في داخل الخفـاق جـوه
عادته يرقا وطبعه فـي صعـودي=خاشر الرجال فـي رحلـة نمـوه
من غلا سلطان قدت الشعر قودي=ولايازين الا ليا جـا فـي سمـوه
لاتحسبنـا بهـا الغيبـه رقـودي=نونس اللي تونسه ونعيش جـوه
مانعرف النوم ياجبـر العضـودي=لو نقـول بخيـر ياميـر انتمـوه
وحمدالله يوم عافـاك امعبـودي=المـرض قفـا وفرحنـا بـروه
ياولد عبدالعزيز ابـن الاسـودي=الكرامـه والشهامـه والـمـروه
فيك شفناها وعديت الحـدودي=مثل خيرن راج فوق الناس نـوه
يخضر اليابس وينبت كل عـودي=الشعيب ايجيك يمشي من علـوه
انت بحر الجود تجتاح السـدودي=لاهـدر لابـد مايغـرق زمـوه
ونت مرو الصادرين مع الورودي=في نهـار النـاس مايلقـون روه
عشت يارجلن عن بلادك تذودي=ودمت يامن حار من فعله عـدوه

المشاركة الأصلية كتبت بواسطة محمد الـعـريدي (المشاركة 971143) - - مقبول .. مٌبدع كـ عادتك .. ولا جديد الأ التميّز .. ( صح لسانك )

المشاركة الأصلية كتبت بواسطة ابن صنهوت (المشاركة 971156) صح لسانك يا مقبول مبدع

المشاركة الأصلية كتبت بواسطة معلا إبراهيم الأسعدي (المشاركة 976737) صح السانك يامقبول الشيباني قصيده كايفه وقافيه ولا اروع بيض الله وجهك على هالدره تقبل تحياااااااتي

المشاركة الأصلية كتبت بواسطة الراي السديد (المشاركة 976741) صح لسانك يا مقبوول و ابيض وجه و الحمد لله على سلامة بو خالد