تولم ياقصيدي دامني جيتك وانا خيال = تولم دام راسي شاش ابيك البحر وانهاره
مجاديف الامل جاتك تبي منك بيوت جزال = وانا خابرك ماترجع ورا لاجاتك الغاره
تبي منك قصيده في طويل العمر راس المال = ولي العهد ابو خالد بعد مانِشرة اخباره
وجاء للمملكه طيب وسر قلوبنا والحال = وسر عيون من شافه فرح وستبشرة داره
هلا بالحاكم الطيب اله بصدورنا منزال = بوسط قلوبنا حبه يزيد ويرتفع تاره
هلا بالحاكم القايد .لجيش ن يقهر العذال =تحت امره نطيع ولا اله الا الله شعاره
هلا بالحاكم النادر .ليامن قال قال وطال =يهابه كل من سمعه ويامن بالحكي جاره
هلا بالحاكم المعطي. شبيه الخير جاك خٌيال =ليامن ساقه المولا مطر نستبشر امطاره
هلا بالحاكم الصارم. شبيه الطير ماله فال = ليامنه نفض ريشه كفخ يامحسن اطياره
هلا بالحاكم العادل. شبيه السيف فالمنزال= اليامنه لمع يرهب جميع قلوب جباره
عسى الله يحفظه النا بحفظ العالي المتعال = ويسر عيون من شافه ويبقى الخير بدياره
ومجاديف الامل جتني تبي مني بيوت جزال = وانا من عادتي مرجع ورى ون جتني الغاره