الله من همٍ علي القلب تكا = وان قام هم ايجيه همٍ يتكى
يالين جوره دك الآضلاع دكا = دك اللغم من جنب ضلعٍ يدكى
وارجي من الله واطلبه واتشكا = ولاني علي غير سميع امتشكى
حيث ان باب اللي خلف مايصكا = يوم ان بعض الناس بابه يصكى
الوقت صخك فالقدايم وبكا = واليوم لو صخك مصيره يبكي
ليت الفقر مثل الجفر ينتذكا = يمدى العرب كلٍ بخلبه يذكى
ورزقي علي الرزاق مافيه شكا = والخايب اللي في نصيبه يشكى
ان جيت رخمه قال حضك تلكا = ولا شاف حضه فالزمان امتلكى
عنده ملايين وثلاثين صكا = ولا له علي علوم الرياجيل صكى
وياخذ من النسوان يوم اتيحكا = ولا يعجبه عند القروم التحكى
ولا شفت بابه للنشامي يفكا = وان جو رديين المذاهب يفكى
ومن رافق الجربان يصبح يحكا = ولو ما قربهم ما تشوفه يحكى
احدٍ علي الضلع الطويل ايتركا = واحدٍ علي الجرف الهيال امتركى
في خاتمة قافٍ صخرته علي اكا = ويلين يوم اني صخرته علي اكى
صلو علي الهادي عدد من تزكا = خير البشر ومن الذنوب امتزكى