سلام للدنيا من الدتيا على الدنيا السلام=من شرقها لا غربها ومن الحدود الى الحدود
دار حطام وكل ما فيها حطام في حطام=لافرق فيها بين جيفتها ولا بين الورود
ماعاد تعرف وش بهالدنيا حلال وش حرام=انتكست عقول البشر والنقص فيها صار زود
فيها القوي كلا الضعيف وعذره انه بالنظام=نظام غابه مايسود الا النموره والاسود
ومنظمات حقوق والواقع مظالم في ظلام=من يسئل الجزار عن ذبح الحمل والا القعود
صار البشر فيها وحوش ظارياتٍ ماتنام=كلٍ مكشر شاربه لو كان ماهو بمحدود
وان قلت له يابن البشر كل البشر مثلك تمام=الام حوى والابو ادم والاصل من الخدود
قال الحقيقه غير ذلك والمكارم للكرام=كنه هزم كسرى وقيصر يوم جمعات الحشود
يوم الجماجم حذف كالبطيخ من ضرب الحسام=والصادره من بعد تصدر ماتفكر بالورود
هذاك وقت الفخر والا اليوم في الدنيا كلام=يوم الفخر بالفعل ماهو بالمناصب والنقود
لو الفخر بالمال كان اصبح لقارون الزمام=لكن كان اساس ذمه ماجمع بلا حدود
ولوالفخر بالمنصب العالي لهامان الوسام=كلا بما يفخر يذم وسعيهم غير محمود
اعوذ بالله من ظلال يتبعه سؤ الختام=من يعتبر من يتعض من قبل ضمات اللحود
المفخره في طاعة الله والتواضع للانام=واعطا الحقوق اصحابها من غير نكران وجحود
ابسط حقوق الناس على الناس تبدا بالسلام=ومن يعجزه قول السلام اولى بعجزه فالردود
مافي هذا الدنيا اي شيٍّ يستحق الاحترام= الا كتاب الله وماوالاه من ذكر وسجود

المشاركة الأصلية كتبت بواسطة ابن صنهوت (المشاركة 970500) الله يا شعيل نص من ذهب صح لسانك

المشاركة الأصلية كتبت بواسطة ولدعساف (المشاركة 970576) الله يا شعيل نص من ذهب صح لسانك

المشاركة الأصلية كتبت بواسطة شبل مرجحين الموازين (المشاركة 970794) مافي هذا الدنيا اي شـيٍّ يستحـق الاحتـرام // الا كتـاب الله ومـاوالاه مـن ذكـر وسجـود بيت عن معلقه صح لسانك مليووووون يالقرم