الله من قلب" تسوقه همومه= سوق الخيال اليا أقتفته العواصيف
 

اللــــه من قــــلب" تسوقه همومـــــه
ســـوق الخيــــال اليا اقتفته العواصيـــــف

بسبــاب وقـــت" راح نسمع علومــــــه
مانســـمع الا عنه موجـــــز وتعريــــــف

وقـــت" بـه الرجال يقضــــي لــزومـــه
ومــكمل" ماجــوب جاره مع الضيـــــف

وإن حـــان مايقـــافه قويه عزومــــه
وإن جـــوه ربعه ماحســــب لتكاليــــف

اصحيبــــه الـيا اخطاء مايمكن يلومــــــه
يدمـــح لــه الزله ويبدي له الكيــــــف

يمشـــــي على السنـــــه ولا احد"يهومـه
مدام مشيــــه مادخــل فيـــــه تحريــــــف

واليومــــه اوراقــــــه وباقي رسومــــه
مصفـفـــه ومصفــطه وسط الأرشيــــف

جانا زمـــانن ماعـــرفنـا سلومـــــه
معاد نعـــرف منهجـه ياعـــرب كيـــــــــف

وقـــــت" تغيـــر فيـــه منهاج قومـــــــه
وكثــــرت هروج مدورين التزاييـــــف

والحــر صــــار اليوم بحساب بومــــــه
وصــار القوي في حكمة اليومه ضعيف

والوقــــت شــــان وشينوبه رخومــــه
اللي صـــداقتهم مثل بــــارق الصيـــــف

والمرجلــــه صارت بشبـــــه معدومــــه
لو أنهـــــا للــي ملكها كما السيـــــف

يضربـــــه اللي واجهه من خصومــــــه
وتنزلــــه في عاليـــــات المشاريـــــف

وكثرت فـــــعول أهل الوجيه الظلومــــه
اللي يقــــولون الهــــم الدين تصريـــــــف

ولاكـــــل من قصـــــر فسابل هدومـــــــه
يصنـــفونه من هل الديــــــن تصنيــــــف

المسلــــم اليا حان فرضـــــه يقومــــــــه
مايقتل أهـــــل الديــن ياوقتنا مخيــــــــف

لكـــــن ياربــــي تعـــز الحكومـــــه
وانك تكافيــــنا شــــــرور الصواديــــــف

الله الله وصح لسانك ياعناد وسجلني من متابعينك .

صح لسانك ياعناد



تحياتي

صح بدنك ياولدعساف ويشرفني تكون من متابعيني

ابورازن صح بدنك

صح لسانك مليووووون ياعناد

سجل اعحابي بما طرحت


وتقبل مروري

عناد الشيباني




صح الساااااااااااانك يالذيب ابداع غير مستغرب من شاعر مثلك تقبل تحياااااتي وتقديري

طµط* ط¨ط¯ظ†ظƒ ظٹط§ط¨ظ† طµظ†ظ‡ظˆطھ