قلنا سلام وما يدل ولو يقل من الكلام=اجمل من جبال العلوم اللي طوال حبالها
يا اصحابنا العتبان بان النور جلاّي الظلام=اطرف عتيبي يعرف جنيه العرب وريالها

قلت السلام وقلت لك يامرحبا يابن الكرام=مالك ياكود الدله اللي دارج فنجالها
اليا دخلت السوق فرق فالحلال وفالحرام=وانا معك قد الطلب والخيل من خيالها

دام البقا لاجا اللقاء بين المهند والحسام=لاقيل ماينجد عقيل الا ظهور جمالها
السوق تجاره على ناره لهم عشرين عام=قادوا زمامه والعلامه شوف روس اموالها

وقت اللقاء ماعندنا الا اللي يقصن العظام=والكلمه اللي جات من صاحبك ذا معدالها
ماهو بشرط ان العلامه للذي قاد الجهام=بعض البضاعات القديمه ماربح دلالها

إن جت على كيفك بسيفك مايسامحك النظام=هرجه وفرجه والخطيه في نحر من قالها
ابطيت نايم والغنايم ماتجيلك فى المنام=لاأصبح قديمك هو نديمك حطها واشتالها

ترى الحصا من سيف ابو عزام يالطيب حطام=اقرا الكتاب وميز العالم وشوف افعالها
خلك فطين وكل شي يبين والموعد تمام=واقرب هنا واشرب من اللي ظابطن مكيالها