اليكم بعد السلام عليكم هذه الا بيات عسى ان تجد شي من الاستحسان

حقك اليا سيرت مهوب فنجال=حقك يقلط في كبارالصياني
لكن حسب رغبتك ياطيب الفال=الساعه البركه مجيك مكاني
حييت يابن عون ياذرب الافعال=حييت ياغازي عريب المجاني
بالمرجله والشعر الك منزلٍ عال=ماحدٍ جهلبك ياسهيل الايماني
بين الرموز اسمك لمع قدر واجلال=يرضابه الياقلت قاصي وداني
وسط الجزيره فالشعر مضرب امثال=قبل الشعر عندي يجيله كياني
واليوم بعد اني فتحتله الاقفال=سقت المثل على خبير المعاني
مثلك ياغازي فالشعر منهل اجيال=ولهل الاصاله دعمك اكبر ضماني
والك التحيه عد ماهل همال=مع كثرها شكري وزود امتناني
وحقك الياسيرت مهوب فنجال= حقك يقلط في كبار الصياني

المشاركة الأصلية كتبت بواسطة راع الزلفي (المشاركة 968599) ياسلام ياسلام صح لسانك وابو عبدالله يستاهل اكثر بيض الله وجهك على هذه القصيدة الجميله

المشاركة الأصلية كتبت بواسطة ابن نخيلان (المشاركة 968621) صح لسانــــــــــــــــــــــــــك على هالابيات الجميله والممدوح يستــــــــــــــــــــــــاهل (ابن عون ) نجم لامع في سماء الشعر وعسى الله يطول في عمر غازي بن عون وعبد الله بن عون مدارس شعريه تستحق التمجيد ،،،،،،،،،،،،،،،،،،،،، الأخ / فهد الرويس تقبل تحياتي وسجل إعجابي....

المشاركة الأصلية كتبت بواسطة أبونواف (المشاركة 968645) صح لسانك يافهيد على هالابيات الجميله والممدوح أبو عبدالله علم من أعلام الشعر وكفو ويستاهل المدح ..

المشاركة الأصلية كتبت بواسطة عمر الدغيلبي (المشاركة 970041) كفو والله فيك و في الشاعر الكبير / غازي بن عون ويستاهل ما قلت و اكثر وافي يا فهيد لاعدمناك ودّي :)