سلام رديه تحوز الطيب من كل اتجاه = معنى ومبنى والكلام الزين عطر يرشّها !!
الشجره اللي غصنها واحد ويومي في خلاه = خطرٍ عليها من ذعاذيع الرياح تقشّها !!

يامرحبا في مرحبا ترحيب عالي مستواه =ياشاعرٍ يجمع علوم المعرفه ماطشها !
قدام يافواز ويبين الكلام ومحتواه = وان كان مطري لك خبر مش السوالف مشّها !

اللي زهمته من عصر .. يارب تسعدلي مساه = اثر الحرار اتنام لين الناس تنبش عشّها !!
ربعك ذوي زراق كم فيهم من الناس الرواه = هات الحقايق يامحمد لاتقوم اتخشّها !!

أهدا ولاتزعل ترى كل ٍ يبا ياخذ سراه = لكن بعد جيناك قم غد الضيوف وعشها !
ان كان ماتدري ترى ربعي مطوّعت العصاه =واهل الغشش من فعلنا تبا تموت ابغشها !

ترى الحصاه مثبّته واللي رعص ظلّ الحصاه = وان خفت من وسم الذلول اتسوقها واتنشّها !!
قدر النشاما لو يطيح وتنكشف عن الغطاه = تجي سباع الليل لعظام الجزور تمشّها !!