سلام تسليم الرجال اللي لهم راي(ن) وشور= واللي بليا شور ابقصر ردتي هذي عنه
الله يجازي من بفعله جفل اسراب الطيور= حتى الطيور الامنه ياناس ماسلمت منه

يامرحبا ترحيب وافي لايلف ولايدور=اترك طريق الميسره واسلك طريق الميمنه
هذاك طيرٍ حر مخلابه يفج به النحور=واللي شبك طير القنص خلا الدجاجه مرجنه

الك البقا لكن دمك ياعميلي لايفور= انا سلكت الميمنه ماجيت درب الشيطنه
يجيه يوم يبرقعه قناص ويشد السيور= وتصير حاله ياوسيع العرف حاله محزنه

ما اقول فيك قصور لكن انتبه تشهد بزور=رجل شهد بالزور في الاسلام ربي يلعنه
ينبت لكم ريش الحمام ان غاب صقر من الصقور=بالله وين انته عنه يوم اعتراك الالسنه

ابن عميره يحسب الايام ويعد الشهور = ويعدد نجوم السما ويميز فصول السنه
احد(ن) يعز قصو ر واحد(ن) فالبلد يهدم قصور= وانا محايد مااقرب اصحاب العلوم الهينه

دخلت في الموضوع ناسٍ مالهم معنا حضور=واليا نشدنا غايب الاجواد معروف لحنه
هرج السعه يكثر ووقت الضيق ماتلقى عبور=يبلش لسانك بالكلام اليا احتمى والحنحنه