سلام الله سلامٍ فيه ريح المسك والكادي=سلامٍ من ضميرٍ مايبدل نيه بنيه
ليا من خيلت واصبح لها برقٍ ورعادي=تهل المزنه اللي من مطرها الكبد مرويه

الا يامرحبا واهلين وانت بلادك بلادي =تقدم هات ماعندك وعزوتنا عتيبيه
سحاب الصيف وبروقه يمر وّضعنا عادي =عسى برق المزون اللي نخيله برق وسميه

يدوم الك البقا مير احتزم برهافٍ احدادي=نبا نبحث علوماً بينه ماهيب سريه
اشوف الدار ياحاكم دخلها الحرب وجهادي=وصارت داركم مابين ضاحيٍ وجنيه

ترى اللي يربط عتيبه ماهوب الملح والزادي =يجوز العيش يربط بين فارس والسعوديه
مادام تشوف ماتفزع ...ماتبغا نشّد نشّادي=تعاني من ضعافة باس ولا ضعف شخصيه!!