يا نفس جودي باللي ودّك تجودين=سوقي حروف العز فيها مهابه
شكّلي احروفك بيوتٍ موازين=العبي المسحوب جرّي ربابه
و ان قسى حرفك وعيّا عن اللين=اشهري يا نفس سيف الكتابه
أجبري قلبٍ تكسّر بكسرين=كسر جاير وكسر أفقد صوابه
شفّي هم بدوٍ على الطيب رابين=طيبٍ يسوق الطيب يحيي هبابه
اللي بأنفسهم نوايف عزيزين=ما يهابون غير ربٍ نهابه
وينه اللي ناشدٍ ساسي من وين=سؤال مغرور ساقه حضرة جنابه
مطبوع في طبعه طبوع الرديين=عيبٍ علي أعيب والعيب عابه
منقود لو أشرهه عليه لو بحرفين=أشرهه على حظٍ لي اليوم جابه
دم البدو فيني سرى بالشرايين=فصيلته حيٍ وقلبي حيا به
ايه ابدويٍ .. تحسبنّك تعيبين؟=لا والله إلا فخري زاد أنتصابه
ان كان قصدك لأنطباعي تعرفين=عزّي تعلاّ كل حرفٍ رقى به
وان كان قصدك من طبوعي تشوفين=عزيز نفسٍ بالشدايد صلابه
وان كان قصدك من شموخي توطّين=عالي الحوم ما تحبله ذبابه
ربعي أنا تذكرهم بيد الميادين=أهل صولات أهل سيف النشابه
في هددهم مثل هد الشياهين=ليا سرو على القوم عشّو الذيابه
ربعي قرومٍ مع نداء الحي ملبين=وللنايفات الكل يتعب ركابه
بالضيوف رجال واجب مهلّين=الكرم سيّل مزنهم شعابه
نسلي مسلسل بالسلايل عريقين=ساسي هوازن ساس قبل الصحابه
صيتنا بالطيب ذايع سلاطين=لو تعزّوى الذيب عوّا عتابه
برقا وروق امرجحات الموازين=عزّي بهم والفخر يبرق سحابه
صادقين الوعد بالعهد موفين=هـل الفوز والمجد منهم ثيابه
بالعسر ربعي زهابي وباللين=يوم كلن قام ينشر زهابه
وأن ما وفى ردي سؤالاته الشين=ربعٍ هل الطولات وافي جوابه

المشاركة الأصلية كتبت بواسطة مرزوق العتيبي عالي الحوم امكانيتك فوق الوصف انشاءك وانتقاءك للمعاني مذهل ولكن اتعجب اختلال الوزن كما تفضل اخي النصحوح ذيبان .... يبدون انك لم تستعمل اللحن في تقوييم ابيات قصدتك ووزنها ... المهم انك مشروع شاعر من الطراز الاول.. في انتظار جديدك الاجمل وانت قادر بلاشك وبتفوق...