الخيال اللي حقاق وشاقني براقه = فوق دار مرجحين الوزن واهل المركي
ماينسيني صديق قد فحصت اخلاقه=واثبت الفحص انه ايجابي وزال الشكي

طارق الأبواب غير اللي يطق الطــــاقه=لا تقوم تعنها في جـــــــــوف ليلً حلكي
درج الأقـدام ليـــــــن الناس تقطف باقه=من بساتين الورود وتستقــــــــل الفلكي

كلنا نسبر مع الطاقه ختل ودراقه=وانت فرقك بس ثوبك فيه زري وشكي
لاتصير لبيض اهل جده كما السلاقه = والتنافس بين شربتلي وبين الكعكي

فوق راسك جبتها والهـــرش غير الناقه=تضحك اول ليلتك مار اخرتها تبكي
لا تطب السوق يا شاكي كبير الفاقه=روح لابواب المساجد كان ودك تشكي

كل يوم داخلن في مشكله وخناقه = لجل ترضي واحد يضحك عليك متكي
تدرج بغليل وتبيع البصل باسواقه =لين اصابتك القلاعيه وحمى الضنكي

للادب والفكر من بيــن العرب ذواقـــه=مستحيل انك تنازعني بشيء ملكي
الخبر لا ضاع جله ما يفيد دقــــاقه=ان غدى محورك لا تقعد تلوك العلكي