ياعين والله ماتفيد التحاسيف=كفي عن دموع التحاسيف كفي
دام الفرح مفقود له عااام ماشيف=رمشك على ألي فات لاعد يرفي
الصيف راح وروحت عطلة الصيف=وانا تعبت وضاع حلمي وشفي
أنا الجريح ألي جروحة منازيف=تنزف وعيا سقمها لايخفي
ماهي من الشلفا ولاهي من السيف=من عالمن عيت تقف جوف صفي
فاقد وفاء والوقت ماجاء على الكيف=ولاظنتي فالحب ناسن توفي
هذي سنة مرت عجااااج وعوااااصيف=والحظ اشوفه كل ليلة مقفي
ماجاء من الاحباب رسل ومظاريف=وشمع اللقاء في ظلمة الليل طفي
احباب قلبي متعبين التواصيف=عهدي بهم قبل أللتجي للتشفي
وشف حالي من يجيب السواليف=عنهم بعد جفني من الدمع جفي
راحوا وخلوني كسير المجاديف=جريح قلبن فرحتة ماتضفي
راحوا ولاينفع حساب المعاريف=ياكثر مابالوصل مديت كفي
راحوا وانا قلبي همومه محاذيف=وعن جمعة العربان صرت متخفي
اسج رجلي يم الاطلال والطيف=يطري على حي(ن) تقول متوفي
امشي واحث الرجل بين المشاريف=واثر القدم خلف السراب متحفي
صبري نفذ والعمر كله صواديف=وبشاير الاخبار عيت تزفي
كنت احسن إن الوصل بين المواليف=سنة وأثر دمع العيون متكفي
العام اراقب جيت الزين والظيف=وناري حطبها لاشعمته يدفي
واليوم نفسي ماتطيق المواقيف=الظاهر إن ماباقي الا مهفي
راحت حياتي كلها زيف في زيف=والحب بلوة والتجارب تكفي
الصيف راح وروحت عطلة الصيف=والبرد جانا والحطب مايدفي

صح لسانك,,,

وبيض الله وجهك,,