شاش رأسي ضمن منهو شاش راسه=يوم شفت الذود يبطح ويتمارا
سندوبه بالصياح وزاد باسه=وحدروبه لين حط إله اعتبارا
مارسب من عقب تدريب ودراسه=جاب الأعلى عقب حط الإختبارا
افطنو له ياهل البل والفراسه=جاكم بذوده حذارا ثم حذارا
عازمن في عامنا المقبل بكاسه=النخيش وذوده مايجارى
مع طبوعه يجذبك زينه وأساسه=ذود أبو ماهر ولي حق افتخارا
كل ماطاح الحيا تسمع حساسه=فأي ديرة لو يطول ابه المسارا
ضارين بالعزم مع فكر وسياسه=ياعسى عين الحسد عنهم تدارى
كن ذوده بالقلم حدد مقاسه=وانرسم وجه المطيه باختيارا
من سنامه لين خفه له رياسه=ومن نحوره للذيول اللي قصارى
لو أوصف يوم شفته من حماسه=راح وصفي من جماله فانحدارا
ولايهون الذود لو يصعب مراسه=دام له في ظل عرافه مدارا
عند من ترحيبته تجلا العماسه=قبل عود وكيف مع حيلن كبارا
عند أبو ماهر مابين أهله وناسه=ياجد الضيف الحفاوة والقرارا