غدرني زماني والعرب عادة(ن) يوفون = وغدر الزمان مصيبة(ن) واكبر مصيبه
أنا عارف اصحابي وماشي على القانون = واشوف الزمن دارت علينا دواليبه
غدرني زماني ليه وقتي على يخون = وش الي جرى لناس في كلمة الغيبه
ليامن حكولك ناس في غيبتك يحكون = ترى ناقل الهرجه يوديه ويجيبه
اشوفك ركبت البحر في مركب(ن) مامون = وعليك البحور الهايجه مالها هيبه
الا يازمان السلب والنهب والطاعون = زمان الردى لاصار به جايع(ن) ذيبه
ليا من فضى جيبك تصير الردي ويكون = عليك الردى دايم تصبح وتمسيبه
ليا جيت مقبل عنك بعض العرب يقفون = وليا قلت لك هرج(ن) تكثر عذاريبه
وليا من جمعت المال لوك كما فرعون = يقولون صادق لو كذبت الف تكذيبه
قبل تدخل المجلس يفزون ويهلون = وكل(ن) حلف ويقول ذا مجلسي تجيبه
عسى والي القدره يمكن لنا بالكون = ندوج البحر والبر ماوصلنا ريبه

المشاركة الأصلية كتبت بواسطة ابن سرحان الثبيتي (المشاركة 962344) راع الزلفي صح لسانك يالقرم وحياك الله وحي شعرك الراقي

المشاركة الأصلية كتبت بواسطة أسير القوافي (المشاركة 962576) ليا من فضى جيبك تصيـر الـردي ويكـون عـلـيــك الــــردى دايــــم تـصـبــح وتـمـسـيـبـه ليا جيت مقبل عنك بعـض العـرب يقفـون ولـيـا قـلـت لـــك هـــرج(ن) تـكـثـر عـذاريـبـه وليـا مـن جمعـت المـال لــوك كـمـا فـرعـون يقـولـون صــادق لــو كـذبـت الـــف تكـذيـبـه قـبــل تــدخــل الـمـجـلـس يــفــزون ويـهـلــون وكـل(ن) حلـف ويقـول ذا مجلـسـي تجيـبـه عـســى والـــي الـقــدره يـمـكـن لـنــا بـالـكــون نـــــدوج الـبــحــر والــبـــر مـاوصـلــنــا ريـــبـــه حكيم ياراع الزلفي حكيم :) صح لسااانك ولا فضَ فوووووك .. عشت ولا هنت

المشاركة الأصلية كتبت بواسطة عبدالله الفرهود (المشاركة 963102) قصيدة رائعة تجلت بها الحكمة و التجربة صح لسانك و دام ابداعك وفقك الله