ياحمامه كل ماغنيت غني = غرهدي بالصوت والفرصه سعيده
غرهدي بالصوت مع صوت المغني =شاعرن مافيه طاروقنٍ يكيده
القوافي والبيوت ايطاوعني = كل بيت اتقول عبدنٍ عند سيده
يوم تاريخ أربع وعشرين كني = في نهار العيد بثيابن جديده
في نهاية شهر ذا الحجه نهني = خادم البيتين جعل الله يزيده
عام ماغث الكبود الا التمني = الوطن والشعب فاقدله فقيده
مرحبا ترحيبة التقدير مني = واعلن الترحيب واشهربه واعيده
عد ما صلا صلاة الصبح سني = وعد من يذبح نهار العيد عيده
عاد ابو خالد معافا وامتهني = ياعساه ايدوم وايامه مديده
ما يعبر فرحتي شعري وفني = لو بدعت امية لحن وامية قصيده