أبداية العام الجديد أبتدينا = ونطلب من الرحمن جوده وغفران
لجل الوفاء والعهد حنا رضينا = ونمشي مع أهل العرف في كل ميدان
في كل يوم نشوف علم(ن) يجينا = والفعل اله يصحاب حجة وبرهان
واليا سعى للخير قبله سعيينا = المجد والقمة لنا دوم عنوان
رقيت للعلياء ومثلك رقينا = نسمع كلام الحق ونقول لفلان
بالصدق والمعروف محد(ن) نسينا= وما قامت بيوت(ن) على غير سيسان
عدد علومك ما عليك وعلينا = نبا نجيب الحل والهم نسيان
مع علوم الخير صبر ويقينا = ونازن عقول الناس بخير ميزان
يا ما سمعنا من علوم ونقينا = تزيد فالأعمار ما هي بنقصان
هدية الأيام يا ما عطينا = ما هي بمنة كلنا أخوان صدقان
وعادة ليال العمر يا ما مشينا = ولا قام بيت الا بساس(ن) وعمدان
اقبل مع الأيام قبلك بدينا = يارب أغيث الخلق من غرّ الآمزان
حنا سمينا بالموقف سمينا = ولا ننتظر علم(ن) مع الناس لو بان
دع من يجي يمك وحنا دِعينا =ونرضي كثير الناس لو كان زعلان
ود الآمانة علم جايك يقينا = من فرط بها صار نادم وخسران
ثمر هدايتنا وحنا هدِينا = وصلى الفروض بوقتها كل ما حان
لا قامت الفتنة عليها قضينا = على فلول الشر شعلة ودخان
ثابر بدرب الخير ربك معينا = نطلب من الرحمن ياعالي الشأن
ينصر بلاد العز في كل حينا = في حكم أبو متعب لنا ذخر الآزمان
نجدد البيعة وحنا نصينا = ولي عهده راعي الخير سلطان