تخير أسمه يوم شافه وناداه = فهد العرب من بين كل الأسامي
عبد العزيز اللي على أبوه سماه = المجد اله في كل ميدان ضامي
هذا ولد زعيم ما اهتز مبناه = معروف ميقافه بحرب وسلامي
الله عطاه من الكرم محد(ن) اعطاه =يعطف على المسكين والآمر سامي
يعتق رقاب و منهو اللي بينساه = اليا بدأ نوره تخفى ألظلامي
ينفق على المحتاج من طيب يمناه = كريم من ناس(ن) عظام وكرامي
محد(ن) في الميقاف جاه وتعداه = فالغرب إله ميقاف شرق(ن) وشامي
اليا وطاء فالأرض ما ضاع ما طاه = الأرض تنبت كل شهر(ن) وعامي
فيه الفكر والعلم من طيب مجناه = منهو يصل عنده صعيب(ن) يضامي
مثل المزون اللي تراما بمنشاه = آل السعود آل الشرف والمقامي
أسمه على جده عسى الرب يحماه = إعداد ما رفرف طيور الحمامي
مهما نقول بسيدي ما جزيناه = نجمه سطع ما يختفي فالغمامي