من هاجس اللي للمحيطات وراد = وليابغى له علم غانم وصله.
سلام يابن حمود كساب الامجاد = تسليمةٍ تنقش عن الكبد عله.
ومعطره بالورد والمسك والكاد = وتبدي كما مبدا النجوم المطله.
ياصل صداها شعب صنعاء وبغداد =وتنساق سوق الكيف في وسط دله.
والها مع اهل الطيب مصدر وميراد = هديةٍ لك ياعدو المذلة.
ياشاعر مهما يطوّل بك الماد = اتزود ماتنقص ولا فيك خله.
وتقض اللزوم وعنه مانته بنشاد = اجبلةٍ ياطيبها من جبله.
فيك المزايا الطيّبه يابن الاجواد = وكل الصفات الطيّبه بالادله.
توجد ولانحصي عددها بالاعداد = ميراث ابوه وجه وعزوتلّه
حقايقٍ عديتها مالي اقصاد = الا مدح راعي هلا في محله.