ياسلام الله سلام(ن) نبتديبه = بين نجم الجدي وسهيل اليماني
شاعر(ن) شعبي وانا ربعي عتيبه = والقصيد حقوق صدري من لساني

مرحبا ترحيبةٍ منكم قريبه= ريحها هيلٍ خلطه الزعفراني
أنت شعبي فالبلد .! ياخي غريبه=وش تسوي مع طويلات المباني ..؟!

والبقا ياللي ترحب ماش ريبه = والمباني من قزاز ولاتداني
الكلام اللي تقوله وش تبي به = ودي اناقش معك بعض المعاني

فـ / ابن عمي لا لقيت اللي تعيبه=أنصحه .. والله وكيله لا عصاني
جيب علمك يا طويل العمر جيبه=والمسافه بالدقايق والثواني ..!

اشكرك وانا ترى قايد كتيبه = وما انت معطيني كثر مالله عطاني
الزمان يدور والدنيا عجيبه = تصتفق لــلأماراتي والعماني

والنعم .. شاعر ولك نفس أديبه=من سحاها ما تبين للعياني
لا تشكى من تواجيع العطيبه=تمضي الاقدار يوم العمر فاني

كل مالديت عيني في الجذيبه = شفت في راس الجذيبه مودماني
وكل رجال(ن) يبا يمدح نصيبه = من حدود طويق لأطراف المحاني