ياعجايب ياعجايب يازماني ياعجايب=والغراب اللي يريد يقلد بمشي الحمامي
ضيع المشيه من الثنتين والهقوات خايب=يازماني واعجايب وعلى الدنيا السلامي

لا تغارب من زمانك وانت في وقت المصايب=يا كثر من يخدعه وقته ويقعد فالمضامي
كلما مريت قبر وشفت من فوقه نصايب=اطلب الله يا ولد شيبان في حسن الختامي

المجنن تبلش العقال في كثر الطلايب=صورة انسان ان كشفت الصوره الهيكل عظامي
ابلشونا البدو يالعمده ليا صارت نشايب=والاسامي عند ربعك ياعجيبات الاسامي

بارك الله فالرجال اللي يحثون الركايب=كل ليلة يعقدون الحبل في يدين الحرامي
كل صاحب ملك عن ملكه يبا يدفع ضرايب=وان عجز صابه سهم في مقتله من كف رامي

ابن مشيب مايهاب الموت لا جات الحرايب=مايدس الراس غير الخبل وطيور النعامي
عارفين الحر في نجد المسمى واللهايب=اظهر النور ويبين النور جلاي الظلامي

لا تعزوى قبـــل تاخذ موقعـــك بين الكتايب=في مواقيت السعة خلك تحت ظل الخيامي
العقيد اللي وقف في واجبه يوم انت غايب=ما يرد البندقية فالخوال وفالعمامي

ابك ابن شيبان حلال العقد وقت الصعايب=في نهارٍ تكشف العذراء عن الستر اللثامي
والعقيد اللي وقف في واجبه ماهوب صايب=للهدف مير الغلط مرجوع في بعض الكلامي

المشاركة الأصلية كتبت بواسطة العمــــــدة (المشاركة 954639) الليلة نكمل ان شاء الله يا مازن الشيباني اسمح لي الان مضطر اخرج تقديري لك