المطر رحمه من الله وحول من سحاب=والسحابه برقها.. سابق (ن) رعادها
اعتلا هاك الجبال اعتلا هاك الهضاب =يم سيله للبحر.. وجهته معتادها

يابحر جده علامك وش بلاك = ليش شامان العتيبي لي شكاك
شلت عفشه ماسلم شٌرك واذاك =والله الوالي ولا غيره ولي

رحمة الله بعض الاحيان للعالم عقاب = كان ماتابت من الذنب ربي زادها
فيه ناس ٍ ماتخاف المصايب والحساب = وفيه ناس ٍ بالبكا بللت سجادها

حكمت الله نافذه والخطى عود صواب =والضحايا من بشر ماحصيت أعدادها
مشكله والمشكله من يجيب النا جواب=والحديده يا والد حدها حدادها

العرب من بعد طاحت فالوحل = صابها ياصاحبي ضيق وزعل
وصاحبك غرقان في شهر العسل = والله الوالي ولا غيره ولي

الله انه يرحم الي توفى ياعقاب = كل نفس ٍ يالعتيبي تحصل مادها
المشاكل كلها من ورى بيض الثياب = ولٌعت دخانها ونسفت برادها

الغريق اليا توفى يجازا باالثواب=قسمت الله فى عباده وقسمه رادها
من تسبب بالخطى يحتريه أقوى عذاب=كيف تسمح باالمخطط على ميرادها

العلوم الي على بالك ترا = تدفنك ياصاحبي تحت الثرا
لاتفكر غير في بيت ومرا = والله الوالي ولا غير ولي

اطلب الله في صلاتك ترا الدعوه تجاب = يحفظ الله مسلمين العرب وبلادها
مالكم غير الرضى والصبر والاحتساب = الكنسيه للمسيحي يصير حدادها

المشاكل كلها من ورى بيض الثياب=ولٌعت دخانهـا ونسفـت برادهـا