يابن جليغم جيت في بالي بعد وصل السؤال=لنك وفي والمرجلة بالمختصر سجانها
عز الخوي والطيب والوقفه وفزعات الرجال= تقولها وتطولها وانت الزعيم بشانها
متسلسلٍ من روس قومٍ يوم صكات اليال= بنو بيوتٍ عامرة ماتختلف سيسانها
قحطان ساس الطيب شيالة حمولٍ ماتشال=لا والله ألا ستر من قفا الزمن بخوانها
ربعٍ على الشدة ليا حلت مثل وبل الخيال=ميزانها مايختلف مايختلف ميزانها
لاحدتك سود الليال وصكت اليمنى الشمال=وشحتبك الايام والقلة حضر شيطانها
قدمك عيال العود فالشطه يمدون الحبال=لارحبو بك ششت والغتره تطش عنانها
ربعٍ على وجه الكرة يرسون اشد من الجبال= نعم الرجال متيهة حمر النعم ذرعانها
قلته وانا واحد من الهيلا كريمين السبال=العزوة الي بالوفا ماينطفي نيشانها
اسمع وانا ابن روق واحلفلك ولله الكمال=انك وفي والمرجلة بالمختصر سجانها

قلتله وانا واحد من الهيلا كريمين السبال = العزوة الي بالوفا ماينطرح نيشانها