البارحه ليلي قضيته سراميد=بس اتذكر مامضى من دروسي
درس السنين الماضيات المناكيد=مرت علينا اقمارها والشموسي
ماغير تاخذني همومي مطاريد=ثارت علي كثر رمل الطعوسي
فيها محادير(ن) وفيها مسانيد=واحترت وش تملي عليه هجوسي
فكرت في كل المعاني تراديد=وقلطتها على جميع الجلوسي
الحر يشلع والحباري ملابيد=طلعه بعيد وللمخاطر يدوسي
يشلع لدار(ن)زامي(ن)دونها البيد=يرتاح ومن بعده يريح نفوسي
ينصى الرجال الطيبين الصناديد=اللي على اوكار المعزه جلوسي
ولايرافق الهزلين هم والمقاريد=ولاهو على خلات ربعه بلوسي
وان كان حبله مايطول المواريد=تصبح شنونه ناشفات(ن) يبوسي
وان كان راس المال هرج ومواعيد=يروح بين انيابها والضروسي
ماينفع المحتار كثر التواجيد=وكثر التمني مايجيب العروسي